Category » National Election

បក្សប្រជាជនឆ្លើយតបបក្សសង្គ្រោះជាតិរឿងរបៀបវារៈកែទម្រង់ការបោះឆ្នោត

ដោយ សុជីវី
2014-03-14

បក្សប្រជាជន សង្គ្រោះជាតិ ចរចា ៦១០

ក្រុមការងារគណបក្សប្រជាជនកម្ពុជា និងបក្សសង្គ្រោះជាតិ ធ្វើសន្និសីទកាសែតក្រោយកិច្ចប្រជុំនៅវិមានព្រឹទ្ធសភា កាលពីព្រឹកថ្ងៃទី៣ មីនា ឆ្នាំ២០១៤។

RFA/Van Vichar

គណៈកម្មការចម្រុះគណបក្សប្រជាជនកម្ពុជា ឯកភាពយកប្រធានបទកែទម្រង់ស្ថាប័នរៀបចំការបោះឆ្នោត បញ្ចូលក្នុងក្របខ័ណ្ឌកំណែទម្រង់ការបោះឆ្នោត។

ក្នុងលិខិតរបស់ លោក ប៊ិន ឈិន ប្រធានគណៈកម្មការចម្រុះខាងគណបក្សប្រជាជនកម្ពុជា ដែលចុះថ្ងៃទី១៣ ខែមីនា បានបញ្ជាក់ថា ក្របខ័ណ្ឌកែទម្រង់ការបោះឆ្នោត គឺជាសំណុំនៃបញ្ហាដែលគណៈកម្មការចម្រុះបានរៀបចំប្រធានបទមួយចំនួនរួចហើយ រួមមាន ការរៀបចំចុះឈ្មោះបោះឆ្នោត និងបញ្ជីឈ្មោះអ្នកបោះឆ្នោត ដើម្បីធានា និងការពារសិទ្ធិរបស់ប្រជាពលរដ្ឋគ្រប់រូប ការរៀបចំបង្កើតច្បាប់ស្ដីពីហិរញ្ញវត្ថុសម្រាប់គណបក្សនយោបាយ។

ការឆ្លើយតបរបស់គណបក្សប្រជាជនកម្ពុជា នៅពេលនេះ គឺបន្ទាប់ពី លោក សុន ឆ័យ ប្រធានគណៈកម្មការតំណាងគណបក្សសង្គ្រោះជាតិ កាលពីថ្ងៃទី១៣ មីនា បានដាក់លិខិតមួយដោយស្នើឲ្យគណបក្សប្រជាជនកម្ពុជា បញ្ជាក់ពីរបៀបវារៈឲ្យបានច្បាស់លាស់ មុននឹងឈានដល់ការជួបចរចាគ្នាបន្តទៀត ដែលគ្រោងធ្វើនៅថ្ងៃទី១៧ មីនា ព្រមទាំងបានបញ្ជាក់ថា ប្រធានបទទាក់ទងនឹងការកែទម្រង់ការបោះឆ្នោតឲ្យទៅជាស្ថាប័នរដ្ឋធម្មនុញ្ញដែលឯករាជ្យ និងមានការជ្រើសតាំងដោយរដ្ឋសភាតាំងសំឡេង២ភាគ៣ នៃសមាជិកសភាទាំងមូល គឺជារបៀបវារៈចាំបាច់ជាអាទិភាពសម្រាប់ការងារកែទម្រង់ការបោះឆ្នោតដែលមិនអាចរំលងបាន។

នៅមិនទាន់មានប្រតិកម្មតបថាយ៉ាងណានៅឡើយពីតំណាងគណបក្សសង្គ្រោះជាតិ ចំពោះចម្លើយរបស់គណបក្សប្រជាជនកម្ពុជា នេះ។

Be up front with NEC plans, CNRP tells CPP

Op-Ed: The Phnom Penh Post

Be up front with NEC plans, CNRP tells CPP

Fri, 14 March 2014

Meas Sokchea

A day after opposition leader Sam Rainsy said election reform talks were being “cut off” due to ruling party intransigence on the issue of National Election Committee reform, the opposition has asked the Cambodian People’s Party to officially declare its stance on the matter.

Senior CPP lawmaker Cheam Yeap told the Post on Wednesday that reform of the NEC – widely seen as beholden to the ruling party and blamed by election watchdogs for a number of issues that allegedly compromised last July’s election – would not take place this mandate.

But the Cambodia National Rescue Party has said it will wait for a response to a letter sent to the CPP yesterday before deciding to officially call off negotiations, the next session of which are scheduled for Monday.

“The [CNRP] understands that issues related to the reform of the electoral institution into an independent, constitutionally mandated body [that is] chosen by two-thirds of all National Assembly lawmakers is a necessary priority for election reform that cannot be ignored,” head CNRP negotiator Son Chhay wrote to his CPP counterpart Bin Chhin.

គណបក្សជាប់ឆ្នោតទាំងពីរបន្ទោសគ្នាទៅវិញទៅមករឿងបរាជ័យក្នុងការចរចារ

Op-Ed: VOA Khmer Services

គណបក្សជាប់ឆ្នោតទាំងពីរបន្ទោសគ្នាទៅវិញទៅមករឿងបរាជ័យក្នុងការចរចារ

លោកសម រង្ស៊ីបានអំពាវនាវឲ្យអ្នកគាំទ្ររបស់លោកត្រៀមខ្លួនធ្វើបាតុកម្មធំមួយនៅថ្ងៃខាងមុខ។

អត្ថបទព័ត៌មានទាក់ទង

កែប្រែទំហំអក្សរ

គង់ សុឋានរិទ្ធ

13 មិនា 2014

ភ្នំពេញ — លោកសម រង្ស៊ី ប្រធានគណបក្សសង្គ្រោះជាតិ បានគំរាមផ្តាច់ការចរចាជាមួយគណបក្សប្រជាជនកម្ពុជានៅថ្ងៃពុធនេះ ស្របពេលដែលក្រុមអង្គការសង្គមស៊ីវិលសម្តែងការសោកស្តាយចំពោះការខកខានរបស់គណបក្សទាំងពីរក្នុងការឈានដល់កិច្ចព្រមព្រៀងលើស្ថាប័នរៀបចំការបោះឆ្នោត។

ថ្លែងទៅកាន់អ្នកគាំទ្រគណបក្សជំទាស់នៅក្នុងស្រុកអូរាំងឪ ខេត្តត្បូងឃ្មុំ ដែលជាខេត្តទើបនឹងបង្កើតថ្មី លោកសម រង្ស៊ី អធិប្បាយថា ការជជែកគ្នាបន្តទៀតប្រព្រឹត្តទៅបានលុះណាតែមានការដោះស្រាយចំណោទនៃគណៈកម្មាធិការជាតិរៀបចំការបោះឆ្នោត(គ.ជ.ប.)។

«ទី១យើងឈប់ចរចា ពីព្រោះពួកនេះគ្រាន់តែពន្យារពេលដើម្បីបោកបញ្ឆោតបរទេស។ បើគេមិនព្រមដូរគ.ជ.ប.មានន័យថា គេចង់លួចបន្លំសន្លឹកឆ្នោតទៀតហើយ។ ដូច្នេះមិនចាំបាច់និយាយគ្នាទៀតទេ។ បើកាលណាផ្លាស់គ.ជ.ប. សិនសឹមយើងនិយាយគ្នាទៀត»។

កាលពីថ្ងៃច័ន្ទគណបក្សប្រជាជនកម្ពុជា និងគណបក្សសង្គ្រោះជាតិបានបើកកិច្ចប្រជុំកម្រិតក្រុមបច្ចេកទេសបន្តដើម្បីជជែកអំពីយន្តការកែទម្រង់ការបោះឆ្នោត។

ក៏ប៉ុន្តែកិច្ចចរចារយៈពេលជាងបីម៉ោងនោះមិនបានឈានដល់ការព្រមព្រៀងគ្នាណាមួយនោះទេ។ មូលហេតុដោយសារតែគណបក្សជំទាស់ស្នើដាក់ឲ្យគណៈកម្មាធិការជាតិរៀបចំការបោះឆ្នោតឲ្យទៅជាស្ថាប័នធម្មនុញ្ញនិងចំណុចមួយទៀតគឺការតែងតាំងសមាជិកគ.ជ.ប.ត្រូវធ្វើឡើងដោយការបោះឆ្នោតសំឡេង២ភាគ៣នៃសមាជិកសភាទាំងមូល។ ប៉ុន្តែគណបក្សកាន់អំណាចមិនយល់ស្រប។

«សូមឲ្យបងប្អូនទាំងអស់គ្នាត្រៀមខ្លួនធ្វើមហាបាតុកម្មជាប្រវត្តិសាស្ដ្រឲ្យបានពីរលាននាក់»។

ទាក់ទងនឹងការចរចារវាងគណបក្សទាំងពីរនេះដែរ សម័្ពន្ធកំណែទម្រង់ការបោះឆ្នោតដែលជាបណ្តុំអង្គការក្រៅរដ្ឋាភិបាលចំនួន២០ បានសម្តែងការសោកស្តាយចំពោះការខកខានរបស់គណបក្សប្រជាជនកម្ពុជា និងគណបក្សសង្គ្រោះជាតិ ដែលមិនបានឈានដល់កិច្ចព្រមព្រៀងក្រោយពីការចរចានោះ។

ក្រុមអង្គការដដែលនេះបានជំរុញឲ្យគណបក្សជាប់ឆ្នោតទាំងពីរពន្លឿនការចរចាបន្តទៀត ប្រយោជន៍គឺដើម្បីដោះស្រាយវិបត្តិនយោបាយឲ្យបានឆាប់រហ័ស។
លោក ឈាង វុន តំណាងរាស្ដ្រ និងជាសមាជិកមួយរូបនៃក្រុមចរចាខាងគណបក្សប្រជាជនកម្ពុជា បានឆ្លើយតបទៅនឹងក្រុមអង្គការសង្គមស៊ីវិលថា ក្រុមអង្គការទាំងនោះមិនបានយល់អំពីលក្ខខណ្ឌដើមនៃការចរចា។

សង្គមស៊ីវិលជំរុញឲ្យបក្សទាំងពីរបន្តចរចាគ្នាដើម្បីប្រយោជន៍ជាតិ

Op-Ed: RFA Khmer Services

ដោយ ដែន អយុធ្យា
2014-03-12

ស្ដាប់ ឬ ទាញយកសំឡេង

គល់ បញ្ញា ៦១០

នាយកប្រតិបត្តិអង្គការខុមហ្វ្រែល (Comfrel) លោក គល់ បញ្ញា (ឆ្វេង) ថ្លែងក្នុងសន្និសីទកាសែតនៅព្រឹកថ្ងៃទី១២ មីនា ឆ្នាំ២០១៤។

RFA/Den Ayuthyea

សម្ព័ន្ធកំណែទម្រង់ការបោះឆ្នោត អ៊ីរ៉ា (ERA) ជំរុញឲ្យមេដឹកនាំបក្សនយោបាយឈ្នះអាសនៈសភានីតិកាលទី៥ ទាំង២ ពន្លឿនសកម្មភាពជួបចរចាកែទម្រង់បោះឆ្នោតឲ្យបានញឹកញាប់ និងបញ្ចប់វិវាទនយោបាយនៅកម្ពុជា ឲ្យបានឆាប់។ ការផ្តល់អនុសាសន៍នេះ កើតឡើងបន្ទាប់ពីជំនួបចរចារវាងក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១០ ខែមីនា មិនមានលទ្ធផលវិជ្ជមាន។

សម្ព័ន្ធកំណែទម្រង់ការបោះឆ្នោត អ៊ីរ៉ា ដែលមានអង្គការមិនមែនរដ្ឋាភិបាលជាង ២០ស្ថាប័នជាសមាជិក បានធ្វើសន្និសីទកាសែតនៅព្រឹកថ្ងៃទី១២ ខែមីនា នាការិយាល័យអង្គការខុមហ្វ្រែល (Comfrel) រាជធានីភ្នំពេញ ដើម្បីស្នើឲ្យគណបក្សនយោបាយទាំង២ កំណត់ពេលវេលាជួបចរចាឲ្យបានញឹកញាប់។

លោក គល់ បញ្ញា ជាប្រធានគណៈកម្មាធិការដើម្បីការបោះឆ្នោតដោយសេរី និងយុត្តិធម៌នៅកម្ពុជា ខុមហ្វ្រែល ជាសមាជិកម្នាក់របស់អ៊ីរ៉ា បានផ្តល់អនុសាសន៍ថា ក្រុមការងារគណបក្សទាំងពីរត្រូវតែរៀបចំផែនការសកម្មភាពការធ្វើកំណែទម្រង់ការបោះឆ្នោតនេះ ដោយកំណត់ពេលវេលាឲ្យបានច្បាស់លាស់ និងត្រូវបង្កើតអនុគណៈកម្មការបច្ចេកទេសផ្សេងៗគ្នា ដើម្បីជជែកលម្អិតទៅលើប្រធាននីមួយៗ មានដូចជា ការបង្កើតគណៈកម្មាធិការជាតិរៀបចំការបោះឆ្នោតឯករាជ្យ ការចុះឈ្មោះបោះឆ្នោត និងធ្វើបញ្ជីឈ្មោះបោះឆ្នោត យន្តការដោះស្រាយវិវាទនៃការបោះឆ្នោត និងការរៀបចំបង្កើតច្បាប់ស្ដីពីហិរញ្ញវត្ថុនយោបាយ ជាដើម។

ជាងនេះ លោក គល់ បញ្ញា បញ្ជាក់ថា គណៈកម្មការចម្រុះនេះក៏ត្រូវតែជួបប្រជុំឲ្យបានញឹកញាប់ ដើម្បីបង្ហាញពីការប្ដេជ្ញាចិត្តក្នុងការដោះស្រាយបញ្ហាជាតិពិតប្រាកដ៖ «ការជជែកគ្នានេះ មើលទៅមានការយឺតយ៉ាវ ហើយមានពេលខ្លះមិនមានលទ្ធផលអីគួរឲ្យចាប់អារម្មណ៍ទេ ហើយដំណើរការនេះ មិនមានការជជែកគ្នាឲ្យមានការស៊ីជម្រៅទេ។ អ៊ីចឹង យើងធ្វើសន្និសីទកាសែតថ្ងៃនេះ ដើម្បីផ្តល់ជាការចាប់អារម្មណ៍របស់យើងចំពោះដំណើរការគណៈកម្មការចម្រុះ នៃគណបក្សប្រជាជនកម្ពុជា និងគណបក្សសង្គ្រោះជាតិ ទាក់ទិនកំណែទម្រង់ការបោះឆ្នោត។ ហើយយើងផ្តល់ជាអនុសាសន៍ខ្លះ ដើម្បីឲ្យកំណែទម្រង់ការបោះឆ្នោតហ្នឹង ប្រព្រឹត្តបានជោគជ័យ»។

លោកបន្ថែមថា ទៅថ្ងៃអនាគត បើសិនជាក្រុមការងារគណបក្សនយោបាយទាំងពីរត្រូវការជំនួយពីសង្គមស៊ីវិលឲ្យចូលរួមផ្តល់ជាអនុសាសន៍ ក្នុងកំណែទម្រង់ការបោះឆ្នោតនៅកម្ពុជា ឲ្យមានឯករាជ្យនាថ្ងៃអនាគត អ៊ីរ៉ា រង់ចាំស្វាគមន៍ជានិច្ច។

បក្សសង្គ្រោះជាតិទាមទារឲ្យបក្សប្រជាជនបង្ហាញជំហរក្នុងការចរចា

Op-Ed: RFA Khmer Service

ដោយ ខែ សុណង
2014-03-13

ស្ដាប់ ឬ ទាញយកសំឡេង

បក្សប្រជាជន សង្គ្រោះជាតិ ចរចា ៦១០

មន្ត្រីបក្សប្រជាជនកម្ពុជា និងបក្សសង្គ្រោះជាតិ ធ្វើសន្និសីទកាសែតក្រោយកិច្ចប្រជុំនាវិមានព្រឹទ្ធសភា កាលពីព្រឹកថ្ងៃទី១០ មីនា ឆ្នាំ២០១៤។

RFA/Van Vichar

គម្រោងជំនួបចរចាជាថ្មីទៀតរវាងគណបក្សប្រជាជនកម្ពុជា និងគណបក្សសង្គ្រោះជាតិ នៅមិនទាន់មានភាពច្បាស់លាស់នៅឡើយទេ។ នៅថ្ងៃទី១៣ មីនា គណបក្សសង្គ្រោះជាតិ បានដាក់សំណើមួយចំនួនទៅគណបក្សប្រជាជនកម្ពុជា គឺនៅមុនជំនួបដែលគ្រោងធ្វើនៅថ្ងៃទី១៧ មីនា ខាងមុខនេះ។

តំណាងគណបក្សសង្គ្រោះជាតិ បានស្នើឲ្យគណបក្សប្រជាជនកម្ពុជា បញ្ជាក់ពីរបៀបវារៈឲ្យ បានច្បាស់លាស់មុននឹងឈានដល់ការជួបចរចាគ្នាបន្តទៀត ដែលគ្រោងធ្វើនៅថ្ងៃទី១៧ មីនា។

ប្រធានគណៈកម្មការចម្រុះនិងជាតំណាងគណបក្សសង្គ្រោះជាតិ លោក សុន ឆ័យ មានប្រសាសន៍ថា គណបក្សសង្គ្រោះជាតិ ចង់ឃើញរបៀបវារៈសម្រាប់កិច្ចប្រជុំបន្តនៅថ្ងៃទី១៧ មីនា។ លោកថា ការស្នើនេះដោយសារតែការពិភាក្សាកាលពីថ្ងៃទី១០ មីនា មិនទាន់សម្រេចលើប្រធានបទនៃការកែទម្រង់ស្ថាប័នបោះឆ្នោត។

«សំឡេង»

នៅក្នុងលិខិតរបស់គណបក្សសង្គ្រោះជាតិ ថ្ងៃទី១៣ មីនា មានខ្លឹមសារថា ប្រធានបទទាក់ទងនឹងការកែទម្រង់ការបោះឆ្នោតឲ្យទៅជាស្ថាប័នរដ្ឋធម្មនុញ្ញដែលឯករាជ្យ និងមានការជ្រើសតាំងដោយរដ្ឋសភាតាំងសំឡេង ២ ភាគ ៣ នៃសមាជិកសភាទាំងមូល គឺជារបៀបវារៈចាំបាច់ជាអាទិភាពសម្រាប់ការងារកែទម្រង់ការបោះឆ្នោតដែលមិនអាចរំលងបាន។

ការដាក់លិខិតទៅគណបក្សប្រជាជនកម្ពុជានេះ នៅបន្ទាប់ពីប្រធានគណបក្សសង្គ្រោះជាតិបានប្រកាសថា ការចរចារវាងគណបក្សប្រជាជនកម្ពុជា កន្លងមក គ្រាន់តែជាការពន្យារពេលតែប៉ុណ្ណោះ ពីព្រោះគណបក្សប្រជាជនកម្ពុជា មិនមានជំហរច្បាស់លាស់ក្នុងការកែទម្រង់ គ.ជ.ប។

ថ្លែងនៅក្នុងកិច្ចពិភាក្សារបស់វិទ្យុអាស៊ីសេរី កាលពីយប់ថ្ងៃទី១២ មីនា លោក ព្រុំ សុខា ប្រធានក្រុមដឹកនាំការចរចាតំណាងគណបក្សប្រជាជនកម្ពុជា បានបញ្ជាក់ថា របៀបវារៈដែលគណបក្សសង្គ្រោះជាតិលើកនៅក្នុងកិច្ចប្រជុំកាលពីថ្ងៃទី១០ មីនា សុំឲ្យ គ.ជ.ប ជាស្ថាប័នធម្មនុញ្ញ និងបោះឆ្នោតជ្រើសតាំងសមាសភាព គ.ជ.ប ដោយសំឡេង ២ ភាគ ៣ នោះ មិនអាចធ្វើទៅបានទេ ពីព្រោះច្បាប់នេះលោក សម រង្ស៊ី ជាអ្នកផ្ដួចផ្ដើមគំនិតឲ្យមានការបោះឆ្នោតភាគច្រើនដាច់ខាត ឬ ៥០ បូក ១។

«សំឡេង»

សម្ព័ន្ធកំណែទម្រង់ការបោះឆ្នោត ហៅថា អ៊ីរ៉ា (ERA) ដែលមានអង្គការមិនមែនរដ្ឋាភិបាលជាង ២០ស្ថាប័នជាសមាជិក បានស្នើឲ្យគណបក្សនយោបាយទាំង២ កំណត់ពេលវេលាជួបចរចាឲ្យបានញឹកញាប់។ ទន្ទឹមនឹងគ្នានោះ ការស្នើក៏មានបំណងឲ្យបញ្ចប់វិវាទនយោបាយនៅកម្ពុជា ឲ្យបានឆាប់។ ការផ្តល់អនុសាសន៍នេះ កើតឡើងបន្ទាប់ពីជំនួបចរចារវាងក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិ កាលពីថ្ងៃទី១០ ខែមីនា មិនមានលទ្ធផលវិជ្ជមាន៕

Cambodian NGOs Call for Election Committee Selected By Neutral Body

Op-Ed: RFA

2013-12-13

NGO representatives outline a report on election irregularities at a press conference in Phnom Penh, Nov. 27, 2013.

RFA

Cambodia’s National Election Committee (NEC), which oversees the country’s polls, should be revamped with representatives picked by an independent panel in a transparent manner with the involvement of all stakeholders, a group of non-governmental organizations said in a report after investigating the latest disputed elections.

The Election Reform Alliance (ERA), consisting of eight nongovernmental organizations, said in the report that election reform must begin with the government-appointed NEC, which officially declared Prime Minister Hun Sen’s ruling Cambodian People’s Party (CPP) the victor in the July 28 polls despite opposition allegations of fraud and other irregularities.

“The National Election Committee should be dismantled and a new, independent, and constitutionally-mandated election commission should be created with the authority, comprehensive jurisdiction, and budget to operate effectively,” the report said.

“Commissioners of this new body must be selected in a transparent manner with the involvement of all stakeholders,” it said. “Local electoral officials must also be recruited publicly by a selection committee composed of NEC and political party representatives.”

The ERA said that in light of the disputed election, which the opposition Cambodia National Rescue Party (CNRP) maintains was stolen from it due to poll fraud, “mechanisms to resolve election conflicts and complaints must be reformed.”

It recommended the creation of a separate body, such as a special electoral prosecutor, special electoral court, inspector general or ombudsman, to investigate irregularities.

The CNRP had said that more than 1 million names had been removed from voter registries in July’s polls.

The ERA cited findings by the Committee for Free and Fair Elections in Cambodia (Comfrel)—which along with other groups such as ADHOC, Licadho and NICFEC released the report—putting the number of missing names at 1.25 million.

NICFEC and the National Democratic Institute (NDI), another contributor, said that nearly 20 percent of names on the voter registration were invalid, either because they had permanently moved to another location, were deceased, or were unknown to members of the community.

The ERA also revealed instances of duplicate names, over-registration in certain districts and the use of invalid ballots during the election.

Undue influence

Rights groups and the opposition have long held that the NEC heavily favors the ruling party, pointing out that the commission’s headquarters are even based inside the Ministry of the Interior’s compound.

THE CEROC

គណៈកម្មាធិការដើម្បីសិទ្ធិបោះឆ្នោតរបស់ពលរដ្ឋខ្មែរនៅក្រៅប្រទេស

បក្សប្រជាជនឆ្លើយតបបក្សសង្គ្រោះជាតិរឿងរបៀបវារៈកែទម្រង់ការបោះឆ្នោត

Be up front with NEC plans, CNRP tells CPP

គណបក្សជាប់ឆ្នោតទាំងពីរបន្ទោសគ្នាទៅវិញទៅមករឿងបរាជ័យក្នុងការចរចារ

អត្ថបទព័ត៌មានទាក់ទង

សង្គមស៊ីវិលជំរុញឲ្យបក្សទាំងពីរបន្តចរចាគ្នាដើម្បីប្រយោជន៍ជាតិ

បក្សសង្គ្រោះជាតិទាមទារឲ្យបក្សប្រជាជនបង្ហាញជំហរក្នុងការចរចា

Cambodian NGOs Call for Election Committee Selected By Neutral Body

Cambodian NGOs Call for Election Committee Selected By Neutral Body

អត្ថបទ​​​ព័ត៌មាន​​​ទាក់ទង

Cambodian NGOs Call for Election Committee Selected By Neutral Body

អត្ថបទព័ត៌មានទាក់ទង