មេដឹកនាំ​បក្ស​ប្រឆាំង​កម្ពុជា​គាំ​ទ្រ​ច្បាប់​សញ្ជាតិ​តែ​មួយ​

Op-Ed: ABC Radio Khmer Services

មេដឹកនាំ​បក្ស​ប្រឆាំង​កម្ពុជា​គាំ​ទ្រ​ច្បាប់​សញ្ជាតិ​តែ​មួយ​

ដាក់បញ្ចូលថ្ងៃ 24 March 2014, 18:05 AEST

នៅ​ក្នុង​ខណៈ​ពេល​ដែល​បញ្ហា​អាទិភាព​ធំៗ​បន្ទាន់​ជា​ច្រើន​មិន​ទាន់​បាន​ដោះ ​ស្រាយ​ចេញ​រវាង​គណបក្ស​សង្រ្គោះ​ជាតិ និង​គណបក្ស​ប្រជា​ជន​កម្ពុជា​ អស់​ពេល​ប្រមាណ​៨​ខែ​ក្រោយ​ពី​ការ​បោះ​ឆ្នោត​ជាតិ​ខែ​កក្កដា​ឆ្នាំ​២០១៣​ កន្លង​ទៅ​នោះ, ថ្មីៗ​នេះ​បញ្ហា​មួយ​ទៀត​បាន​ផុស​ឡើង​ជុំវិញ​ការ​លើក​ឡើង​របស់​​លោក ជាម​ យៀប តំណាង​រាស្រ្ដ​គណបក្ស​ប្រជា​ជន​កម្ពុជា និង​ជា​មន្រ្ដី​តំណាង​គណបក្ស​ប្រជា​ជន​នៅ​ក្នុង​ក្រុម​ចរចា​​បច្ចេក​ទេស​ជា​ មួយ​នឹង​គណបក្ស​សង្រ្គោះ​ជាតិ​។ ពីរ​អាទិត្យ​មុន​នេះ​លោក​ ជាម យៀប បាន​លើក​ឡើង​អំពី​ការ​ចង់​កែ​ប្រែ​ច្បាប់​សញ្ជាតិ​កម្ពុជា​ដើម្បី​កុំ​ឲ្យ​ បេក្ខជន​ជាប់​ឆ្នោត​ដែល​មាន​សញ្ជាតិ​ពីរ​​ឡើង​កាន់​អំណាច​បាន​។

Mr Sam Rainsy and Mr kem Sokha

រូប​ថត​ឯក​សារ​​លោក សម រង្ស៊ី (ស្ដាំ) មេដឹកនាំ​បក្ស​ប្រឆាំង​កម្ពុជា​​ពេល​​ចុះ​ដល់​ស្រុក​ខ្មែរ​ក្រោយ​ការ​លើក​លែង​ទោស​ពី​ព្រះ​មហាក្សត្រ​​បន្ទាប់​ពី​និរទេស​ខ្លួន​ទៅ​បារាំង​​។ (Credit: ABC Licensed)
សំឡេង៖ មេដឹកនាំ​បក្ស​ប្រឆាំង​កម្ពុជា​គាំ​ទ្រ​ច្បាប់​សញ្ជាតិ​តែ​មួយ​

ឆ្លើយ​តប​ទៅ​នឹង​ការ​ចង់​ឲ្យ​មាន​ការ​កែ​ប្រែ​ច្បាប់​សញ្ជាតិ​កម្ពុជា​នោះ លោក សម រង្ស៊ី ​ប្រធាន​គណបក្ស​សង្រ្គោះ​ជាតិ​ដែល​កំពុង​ធ្វើ​ទស្សន​កិច្ច​នៅ​ក្នុង​ប្រទេស​អូស្រ្ដាលី​បាន​មាន​ប្រសាសន៍​ឆ្លើយ​បំភ្លឺ​ជុំវិញ​រឿង​នេះ​ថា លោក​មិន​ខ្លាច​នឹង​បោះ​បង់​ចោល​សញ្ជាតិ​បរទេស​នោះ​ទេ ហើយ​នឹង​គាំ​ទ្រ​ការ​ធ្វើ​​វិ​សោធនកម្ម​​ច្បាប់​នោះ​។

Continue reading មេដឹកនាំ​បក្ស​ប្រឆាំង​កម្ពុជា​គាំ​ទ្រ​ច្បាប់​សញ្ជាតិ​តែ​មួយ​

ការ​ចរចា​ជាប់​គាំង​ជា​ថ្មី​នាំ​ឱ្យ​បក្ស​ប្រឆាំង​ផ្អាក​រហូត​ដល់​មាន​ជំនួប​កំពូល

Op-Ed: VOA Khmer Services

ការ​ចរចា​ជាប់​គាំង​ជា​ថ្មី​នាំ​ឱ្យ​បក្ស​ប្រឆាំង​ផ្អាក​រហូត​ដល់​មាន​ជំនួប​កំពូល

លោក​ សុន ឆ័យ​ ប្រធាន​ក្រុម​​ចរចា​ខាង​គណបក្ស​សង្គ្រោះ​ជាតិ​​នៅ​ក្រោយ​ជំនួប​ខ្លី​​​ប្រមាណ​កន្លះ​ម៉ោង​តែ​ប៉ុណ្ណោះ​​ ជាមួយ​មន្ត្រី​គណបក្ស​ប្រជាជន​កម្ពុជា នៅ​វិមាន​ព្រឹទ្ធសភា​កាល​ពី​ថ្ងៃ​ច័ន្ទ ទី​២៤ ខែ​មីនា ឆ្នាំ​២០១៤។ (ហេង រស្មី/វីអូអេ)

លោក​ សុន ឆ័យ​ ប្រធាន​ក្រុម​​ចរចា​ខាង​គណបក្ស​សង្គ្រោះ​ជាតិ​​នៅ​ក្រោយ​ជំនួប​ខ្លី​​​ប្រមាណ​កន្លះ​ម៉ោង​តែ​ប៉ុណ្ណោះ​​ ជាមួយ​មន្ត្រី​គណបក្ស​ប្រជាជន​កម្ពុជា នៅ​វិមាន​ព្រឹទ្ធសភា​កាល​ពី​ថ្ងៃ​ច័ន្ទ ទី​២៤ ខែ​មីនា ឆ្នាំ​២០១៤។ (ហេង រស្មី/វីអូអេ)

អត្ថបទ​​​ព័ត៌មាន​​​ទាក់ទង

កែប្រែ​​​ទំហំ​​​អក្សរ
ហេង រស្មី

24 មិនា 2014

ភ្នំពេញ — គណៈកម្មការ​ចម្រុះ​រវាង​គណបក្ស​សង្គ្រោះ​ជាតិ​និង​គណបក្ស​ប្រជាជន​កម្ពុជា​នៅ​ថ្ងៃ​ច័ន្ទ​នេះ​បាន​បរាជ័យ​សារ​ជាថ្មី​ក្នុង​ការ​ចរចា​ដើម្បី​ធ្វើ​កំណែ​ទម្រង់​ស្ថាប័ន​បោះ​ឆ្នោត​ដែល​កន្លង​មក​បាន​ទទួល​រង​នូវ​ការ​ចោទ​ប្រកាន់​ថា​មិន​មាន​ភាព​ឯក​រាជ្យ​និង​លម្អៀង​ទៅ​រក​គណបក្ស​កាន់​អំណាច។​

ការ​ចរចា​នៅ​ថ្ងៃ​នេះ​បាន​ប្រព្រឹត្ត​ធ្វើ​ឡើង​ប្រមាណ​កន្លះ​ម៉ោង​តែ​ប៉ុណ្ណោះក្រោយ​មក​បាន​បិទ​បញ្ចប់​ទៅ​វិញ​ដោយ​មិន​បាន​ចេញ​សេចក្តី​ថ្លែង​ការណ៍​រួម​គ្នា​ដូច​លើក​មុនៗ​ទេ។​

គណៈកម្មការ​ចម្រុះ​នៃ​គណបក្ស​ទាំង​ពីរ​កាល​ពី​ថ្ងៃ​ទី​១៧​ខែ​មិនា​កន្លង​ទៅ​នេះ​បាន​ព្រមព្រៀង​គ្នា​លើ​ចំណុច​មួយ​ចំនួន​ទាក់​ទឹន​នឹង​កំណែ​ទម្រង់​ស្ថាប័ន​បោះ​ឆ្នោត​ហើយ​បាន​សន្យា​ថា​នៅ​ថ្ងៃ​ច័ន្ទ​នេះ​ត្រូវ​ពិភាក្សា​អំពី​របៀប​វារៈ​សម្រាប់​យក​នៅ​ដាក់​ក្នុង​សិក្ខា​សាលា​ថ្នាក់​ជាតិ​នាពេល​ខាង​មុខ។​ក៏ប៉ុន្តែ​ផែនការ​នេះ​បាន​ជាប់​គាំង​ដោយ​សារ​គណបក្ស​ទាំង​ពីរ​មាន​ជំហរ​ខ្វែង​គ្នា។​

ការ​ចរចា​លើក​មុនៗ​មន្ត្រី​គណបក្ស​ទាំង​ពីរ​ដែល​មាន​សមាសភាព​ម្ខាងៗ​ចំនួន​៦​នាក់​តែង​តែ​ធ្វើ​សន្និសីទរួម​គ្នា​ដោយ​ឈរ​ម្ខាងៗ​ម្នាក់។ ដោយ​ឡែក​នៅ​ថ្ងៃ​នេះ​គណបក្ស​ទាំង​ពីរ​បាន​ធ្វើ​សន្និសីទកាសែត​បែក​គ្នា​ទៅ​វិញ។​

ក្រុម​ចរចា​គណបក្ស​សង្គ្រោះ​ជាតិ​ដឹក​នាំ​ដោយ​លោក​ សុន​ ឆ័យ​ បាន​ចេញ​មក​ប្រាប់​ក្រុម​អ្នក​កាសែត​មុន​គេ។ បន្ទាប់​មក​ក្រុម​គណៈកម្មការ​គណបក្ស​ប្រជាជន​កម្ពុជា​ដឹក​នាំ​ដោយ​លោក​ ប៊ិន ឈិន​ និយាយ​តាម​ក្រោយ។ តែ​ទឹក​មុខ​មន្ត្រី​មក​ពី​គណបក្ស​ទាំង​ពីរ​មិន​សូវ​ស្វាគមន៍​គ្នា​ដូច​លើក​មុនៗ​ទេ។

លោក​ សុន ឆ័យ​ ប្រធាន​ក្រុមចរចា​ខាង​គណបក្ស​សង្គ្រោះ​ជាតិ​មាន​ប្រសាសន៍​ថា​ការ​ជាប់គាំង​កិច្ច​ពិភាក្សា​នេះ ​ដោយ​សារ​តែ​គណបក្ស​សង្គ្រោះ​ជាតិ​ចង់​ឱ្យ​មាន​ការ​លើក​យក​ចំណុច​សំខាន់​ចាំបាច់​ក្នុង​ចំណោម​ចំណុច​ទាំង​១៤​សម្រាប់​ជារៀប​វារៈ​នៅ​ក្នុង​សិក្ខា​សាលា​ថ្នាក់​ជាតិ។ ​ក៏ប៉ុន្តែ​ត្រូវ​បាន​គណបក្ស​ប្រជាជន​ជំទាស់។

លោក​មាន​ប្រសាសន៍​ថា​ យើង​នៅ​តែ​ប្រកាន់​ជំហរ​ស្នើ​ឱ្យ​មាន​គណៈកម្មការ​រៀបចំ​ការបោះឆ្នោត​ឱ្យ​ទៅជា​ស្ថាប័ន​រដ្ឋ​ធម្មនុញ្ញ​ហើយមាន​ការ​សម្រេច​តែង​តាំង​ដោយ​សំឡេង​២ភាគ​៣​នៃ​សមាជិក​សភា​ទាំង​មូល។​

ប្រជាជន​ខ្មែរ​នៅ​ក្រៅ​ប្រទេស​បាន​​ដាក់​ញត្តិ​​ទាមទារ​​សិទ្ធិ​បោះឆ្នោត

Op-Ed: ABC Khmer Services

ប្រជាជន​ខ្មែរ​នៅ​ក្រៅ​ប្រទេស​បាន​​ដាក់​ញត្តិ​​ទាមទារ​​សិទ្ធិ​បោះឆ្នោត

ដាក់បញ្ចូលថ្ងៃ 18 March 2014, 17:22 AEST

ញត្តិទាមទារ​​មួយ​ដែល​បច្ចុប្បន្ន​​មានអ្ន​ក​​ចុះ​ហត្ថលេខា​​គាំទ្រ​ប្រមាណ​ជា​ ៥០០ ហត្ថលេខា​ក្នុង​នោះ​ភាគ​ច្រើន​ជា​ខ្មែរ​ដែល​រស់​នៅ​សហរដ្ឋ​អាម៉េរិក ​ត្រូវ​បាន​ធ្វើ​ឡើង​ដោយ​គណៈកម្មការ​ដើម្បី​សិទ្ធិ​បោះឆ្នោត​របស់​ខ្មែរ​នៅ​ក្រៅ​ប្រទេស​ (CEROC) ក្នុង​គោលបំណង​ស្នើ​សុំ​ឲ្យ​ប្រជាជន​ខ្មែរ​ដែល​រស់​នៅ​ក្រៅ​ប្រទេស​មាន​សិទ្ធិ​ចូលរួម​បោះឆ្នោតជ្រើស​តាំង​តំណាង​រាស្រ្ត​ក្នុង​ប្រទេស​ដើម​កំណើត​របស់​ខ្លួន​បាន។

Cambodia elections

ប្រជាជន​ខ្មែរ​នៅ​ក្រៅ​ប្រទេស​បាន​​ដាក់​ញត្តិ​​ទាមទារ​​សិទ្ធិ​បោះឆ្នោត (Credit: AFP)
សំឡេង៖ ប្រជាជន​ខ្មែរ​នៅ​ក្រៅ​ប្រទេស​បាន​​ដាក់​ញត្តិ​​ទាមទារ​​សិទ្ធិ​បោះឆ្នោត
(Credit: ABC)

លោក​ សេង​ សុភ័ណ​ ប្រធាន​ និង​ជា​អ្នក​ផ្តួច​ផ្តើម​បង្កើត​គណៈកម្មការ​ដើម្បី​សិទ្ធិ​បោះឆ្នោត​របស់​ខ្មែរ​នៅ​ក្រៅប្រទេស​មាន​ប្រសាសន៍​ថា​បើទោះជា​លោក​រស់​នៅ​ប្រទេស​ក្រៅ​​ក្តី តែ​ចិត្ត​គំនិត​ និង​អារម្មណ៍​របស់​លោក​នៅ​តែ​គិត​ដល់​​ប្រទេស​កំណើត​របស់​ខ្លួន ហើយ​លោក និង​ប្រជាពលរដ្ឋ​ខ្មែរ​ដែល​រស់​នៅ​ក្រៅប្រទេស​​មាន​បំណង​ចង់បោះឆ្នោត​ដើម្បី​ជ្រើស​តាំង​តំណាង​របស់​ខ្លួន។

(សំឡេង​លោក សេង សុភ័ណ)

លោក​ សេង សុភ័ណ​បាន​បញ្ជាក់​ថា ប្រជាពលរដ្ឋ​ខ្មែរទាំង​ពីរ​ភេទ​​មាន​សិទ្ធិ​បោះឆ្នោត​ដោយ​ស្រប​តាម​ច្បាប់​រដ្ឋធម្មនុញ្ញ​ឆ្នាំ ១៩៩៣និង​ច្បាប់​បោះឆ្នោត​ឆ្នាំ ១៩៩៧ វិសោធនកម្មឆ្នាំ ២០០៧។ លោក​ក៏បាន​លើក​ឧទាហរណ៍​ពី​ប្រទេស​មួយ​ចំនួន​ដែល​បាន​ផ្តល់​សិទ្ធិ​ឲ្យ​ប្រជាពលរដ្ឋ​របស់​គេ​ដែល​រស់​នៅ​ក្រៅ​ប្រទេស​អាច​បោះឆ្នោត​បាន​ដែរ។

(សំឡេង​លោក សេង សុភ័ណ)

ទាក់​ទិន​នឹង​ករណី​នេះ លោក ហង្ស​ ពុទ្ធា ​នាយកប្រតិបត្តិ​គណៈកម្មការ​អព្យាក្រឹត និង​យុត្តិធម៌​ដើម្បី​ការ​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា​ មាន​ប្រសាសន៍​ថា​ ប្រជាពលរដ្ឋ​ខ្មែរ​ទាំង​ពីរ​ភេទ​មាន​សិទ្ធិបោះឆ្នោត​បាន ​​ដោយ​លោក​បញ្ជាក់​ថា ស្ថាប័ន​រៀបការ​បោះឆ្នោត​គួរតែ​បង្ក​ឲ្យ​មាន​លក្ខណៈ​ងាយ​ស្រួល​ដល់​ប្រជាពលរដ្ឋ​ខ្មែរ​ដែល​រស់​នៅ​ក្រៅប្រទេស​ដើម្បី​​ឲ្យ​អាច​បោះឆ្នោត​បាន​។​

(សំឡេងលោក ហង្ស​ ពុទ្ធា)

គួរ​បញ្ជាក់​ថា​ ​គណៈកម្មការ​ដើម្បី​សិទ្ធិ​បោះឆ្នោត​របស់​ខ្មែរ​នៅ​ក្រៅប្រទេស​បាន​បង្កើត​ឡើង​នៅ​ថ្ងៃទី​ ៩ ខែ​មីនា​ ឆ្នាំ២០១៤ ​នេះ​ដើម្បី​ប្រមូល​ហត្ថលេខា​អ្នក​គាំទ្រ​ទាមទារ​សិទ្ធិ​បោះឆ្នោត​ជ្រើស​តាំង​តំណាង​របស់​ខ្លួននៅ​ក្នុង​ប្រទេស​ដើមកំណើត៕

លោក សម រង្ស៊ី ចោទ CPP ថា​គ្មាន​ចេតនា​ចរចា​ពិត​ប្រាកដ

លោក សម រង្ស៊ី ចោទ CPP ថា​គ្មាន​ចេតនា​ចរចា​ពិត​ប្រាកដ

Op-Ed: Post Khmer
WEDNESDAY, 12 MARCH 2014
មាស សុខជា

20140312_05a

លោក​ សម រង្ស៊ី ប្រធាន​គណ​បក្ស​សង្គ្រោះ​ជាតិ​ ក្នុង​សន្និសីទ​កា​សែត​មួយ​កន្លង​មក​។ រូបថត ផា លីណា

ភ្នំពេញៈ មេ​ដឹក​នាំ​គណបក្ស​ប្រឆាំង​បាន​ប្រាប់​ទៅ​សហគមន៍​អន្តរជាតិ តាម​រយៈ​លិខិត​មួយ​កាល​ពី​ម្សិលមិញ​ថា ការ​ចរចា​រវាង​គណបក្ស​ប្រជាជន និង​គណបក្ស​សង្គ្រោះ​ជាតិ លើ​ប្រធានបទ កែ​ទម្រង់​ការ​បោះឆ្នោត ត្រូវ​ផ្អាក ដោយ​សារ​តែ​គណបក្ស​ប្រជាជន​មិន​ព្រម​ជជែក​ពី​ការ​រៀបចំ គ.ជ.ប. ឡើង​វិញ​ដែល​នេះ «ជា​យុទ្ធវិធី​របស់​គណបក្ស​ប្រជាជន​ដើម្បី​ក្រាញ​អំណាច»។

លោក សម រង្ស៊ី ប្រធាន​គណបក្ស​សង្គ្រោះ​ជាតិ បាន​សរសេរ​លិខិត​មួយ​ទៅ​សហគមន៍​អន្តរជាតិ​កាល​ពី​ម្សិលមិញ ដើម្បី​ប្រាប់​អំពី​បញ្ហា​ជម្លោះ​នយោបាយ​ដែល​កំពុង​បន្ត​មាន​បន្ទាប់​ពី​ការ​បោះឆ្នោត​នៅ កម្ពុជា។

នៅ​ក្នុង​លិខិត​លោក សម រង្ស៊ី បាន​ចោទ​ប្រកាន់​ថា យុទ្ធវិធី​របស់​គណបក្ស​ប្រជាជន ក្នុង​ការ​ចរចា គឺ​គ្រាន់​តែ​ជា​ការ​ពន្យារ​ពេល ដើម្បី​ក្រាញ​អំណាច​ដែល​នឹង​ធ្វើ​ឲ្យ​អនាគត​ប្រទេស​កម្ពុជា​មាន​ភាព​អាប់អួរ។

លោក សរសេរ​ថា៖ «ការ​ចរចា​រវាង​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ស្តីពី​កំណែ​ទម្រង់​កំពុង​ជាប់​គាំង​ដោយ​សារ​គណបក្ស​ប្រជាជន​មិន​ព្រម​ចរចា​ការ​ផ្លាស់​ប្តូរ​សមាសភាព​នៃ​ស្ថាប័ន​គណៈកម្មាធិការ​ជាតិ​រៀបចំ​ការ​បោះឆ្នោត ដែល​សំខាន់​ចំពោះ​ការ​រៀបចំ​ការ​បោះឆ្នោត​នា​ពេល​ខាង​មុខ ហើយ​ដែល​បច្ចុប្បន្ន​ស្ថាប័ន​នេះ ស្ថិត​នៅ​ក្រោម​ការ​គ្រប់​គ្រង​របស់​គណបក្ស​កាន់​អំណាច»។

លោក សម រង្ស៊ី បាន​លើក​ឡើង​ជា​ថ្មី​ទៀត​ថា ដើម្បី​ដោះស្រាយ​ភាព​ជាប់​គាំង​នយោបាយ​បច្ចុប្បន្ន និង​ការពារ​មិន​ឲ្យ​មាន​អស្ថិរភាព​នយោបាយ​និង​ដើម្បី​ពិភាក្សា​បញ្ហា​ភាព​ស្រប​ច្បាប់​នៃ​រដ្ឋាភិបាល កម្ពុជា គណបក្ស​សង្គ្រោះ​ជាតិ​ទាមទារ​ឲ្យ​មាន​ការ​ស៊ើប​អង្កេត​ឯករាជ្យ​ទៅ​លើ​ការ​បោះឆ្នោត​ឆ្នាំ​មុន​ឬ​រៀបចំ​ឲ្យ​មាន​ការ​បោះឆ្នោត​ជា​ថ្មី​មុន​អាណត្តិ​ខណៈ​ដែល​ការ​ទាមទារ​ទាំង​ពីរ​នេះ​ត្រូវ​បាន​ច្រាន​ចោល​ដោយ​គណបក្ស​ប្រជាជន។

Continue reading លោក សម រង្ស៊ី ចោទ CPP ថា​គ្មាន​ចេតនា​ចរចា​ពិត​ប្រាកដ