The CEROC is very vital in supporting the mandating of premiership to two terms
The CEROC has been very vital on the agenda for reforms and bringing genuine democratization for Cambodia. The propose to mandate two terms for premiership is very productive to end chronic power abusing in Cambodia. The CEROC is committing to stay side by side with all those who are fighting against all political odds especially the policy that protects the powerful and politicians to continue their wrong behaviors. The calling for to engage in national elections by the Overseas Khmers voters as well as to limit the mandate of premiership is the constructive step to moving forwards for genuine democratization in Cambodia.
កម្ពុជា – អត្ថបទចុះផ្សាយនៅថ្ងៃ សុក្រ 05 កញ្ញា 2014 – ព័ត៌មានទើបកែប្រើលើកចុងក្រោយ ថ្ងៃ សុក្រ 05 កញ្ញា 2014អង្គការ សមាគមយុវជនចំនួន ៧ គាំទ្រសំណើកំណត់អាណត្តិនាយករដ្ឋមន្ត្រី
នៅព្រឹកថ្ងៃសុក្រនេះ អង្គការ សមាគមយុវជនចំនួន ៧ដែលជាសមាជិកគណៈកម្មាធិការយុវជនដើម្បីឯកភាព និងអភិវឌ្ឍន៍បានធ្វើសន្និសីទកាសែតមួយស្តីពី “ ការគាំទ្រឲ្យមានការកំណត់អាណត្តិនាយករដ្ឋមន្ត្រី”។ ក្រោយសន្និសីទ សមាគមទាំងនេះ បានចេញសេចក្តីថ្លែងការណ៍រួមប្រកាសគាំទ្រយ៉ាងពេញទំហឹងចំពោះការកំណត់អាណត្តិត្រឹមតែពីរអាណត្តិ។
“ការកំណត់អាណត្តិនាយករដ្ឋមន្ត្រីត្រឹមតែពីរអាណត្តិ ឫ ១០ ឆ្នាំ គឺអាចកាត់បន្ថយឱកាសបង្កើតឲ្យមានបក្ខពួកនិយម គ្រួសារនិយម ព្រមទាំងអំពើពុករលួយនៅក្នុងសង្គម”។ នេះ គឺជាការលើកឡើងរបស់ក្រុមអង្គការ សមាគមយុវជនទាំង៧ នៅក្នុងសេចក្តីថ្លែងការណ៍រួមរបស់ខ្លួន។
អង្គការ សមាគមយុវជនទាំងនេះ លើកឡើងបន្តថា ការកំណត់អាណត្តិនាយករដ្ឋមន្ត្រីក៏នឹងធ្វើឲ្យមានភាពសម្បូរបែបនៅក្នុងការដឹកនាំកែទម្រង់ស្ថាប័នឲ្យកាន់តែមានការចូលរួមពេញលេញ ប្រសិទ្ធភាព តម្លាភាព និង គណនេយ្យភាព។ ហើយវាក៏ផ្តល់ឱកាសឲ្យអ្នកជំនាន់ក្រោយ ត្រៀមខ្លួនគ្រប់គ្រាន់ ដើម្បីធ្វើជាអ្នកបន្តវេនដឹកនាំប្រទេសជាតិផងដែរ។
លោក សេង ឫទ្ធី ប្រធានគណៈកម្មាធិការយុវជនដើម្បីឯកភាព និងអភិវឌ្ឍន៍បានមានប្រសាសន៍ថា ការកំណត់អាណត្តិនាយករដ្ឋមន្ត្រីត្រឹមតែពីរអាណត្តិ ជាការចាប់ផ្តើមឲ្យមានផែនការសម្រាប់ចាកចេញក៏ដូចជាការកែប្រែជាវិជ្ជមានសម្រាប់ការដឹកនាំប្រទេស។ ជាមួយគ្នានេះ លោក សេង ឫទ្ធី បានស្នើឲ្យគណបក្សជាប់ឆ្នោតទាំងពីរពិភាក្សាគ្នាអំពីការកំណត់អាណត្តិនាយករដ្ឋមន្ត្រីនេះ ហើយបញ្ចូលទៅក្នុងរដ្ឋធម្មនុញ្ញ និង ផ្តល់ឱកាសដល់សង្គមស៊ីវិលបានជួបពិភាក្សា និង ផ្តល់មូលហេតុបន្ថែមទៀត។
ជាការឆ្លើយតប គណបក្សសង្គ្រោះជាតិបានស្វាគមន៍ចំពោះសំណើកំណត់អាណត្តិនាយករដ្ឋមន្ត្រីនេះ។ លោក យ៉ែម បុញ្ញរិទ្ធ អ្នកនាំពាក្យគណបក្សសង្គ្រោះជាតិ បានប្រាប់វិទ្យុបារាំងអន្តរជាតិថា គណបក្សរបស់លោកមានគោលនយោបាយកំណត់អាណត្តិនាយករដ្ឋមន្ត្រីនេះ មុនការស្នើសុំរបស់ក្រុមអង្គការសង្គមស៊ីវិលទៅទៀត។ ប៉ុន្តែលោក បញ្ជាក់ថា ការកំណត់អាណត្តិនាយករដ្ឋមន្ត្រីនឹងមិនអាចទៅរួចទេប្រសិនណាគ្មានការគាំទ្រពីគណបក្សប្រជាជនកម្ពុជា។ យ៉ាងណាក៏ដោយ មកដល់ពេលនេះ គណបក្សប្រជាជនកម្ពុជាមិនមានការអត្ថាធិប្បាយបែប ណាមួយនៅឡើយទេអំពីការកំណត់អាណត្តិនាយករដ្ឋមន្ត្រីនេះ។
សូមបញ្ជាក់ថា កាលពីថ្ងៃទី ០៣ កញ្ញា កន្លងទៅ សង្គមស៊ីវិលដែលធើ្វការងារខាងបោះឆ្នោត បានផ្តើមប្រមូលការគាំទ្រឱ្យមានការកំណត់អាណត្តិនាយករដ្ឋមន្ត្រីកម្ពុជាត្រឹមតែ២អាណត្តិ។ការប្រមូលការគាំទ្របានធ្វើឡើងដំបូងជាមួយ លោកប៉ែន សុវណ្ណ អតីតនាយករដ្ឋមន្ត្រីកម្ពុជាក្រោយសម័យប៉ុលពត និងជាសមាជិកសភាគណបក្សសង្គ្រោះជាតិ។ នៅសប្តាហ៍ក្រោយនេះ សង្គមស៊ីវិលក៏មានគម្រោងស្វែងរកការគាំទ្រពីអតីតនាយករដ្ឋមន្ត្រីកម្ពុជាពីររូបទៀត គឺសម្តេចក្រុមព្រះនរោត្តមរណឫទ្ធិ និងលោក អ៊ឹង ហួត ដែលធ្លាប់ជានាយករដ្ឋមន្ត្រីកម្ពុជាក្នុងទស្សវត្សទី៩០៕