មេដឹកនាំបក្សប្រឆាំងកម្ពុជាគាំទ្រច្បាប់សញ្ជាតិតែមួយ
Op-Ed: ABC Radio Khmer Services
មេដឹកនាំបក្សប្រឆាំងកម្ពុជាគាំទ្រច្បាប់សញ្ជាតិតែមួយ
នៅក្នុងខណៈពេលដែលបញ្ហាអាទិភាពធំៗបន្ទាន់ជាច្រើនមិនទាន់បានដោះ ស្រាយចេញរវាងគណបក្សសង្រ្គោះជាតិ និងគណបក្សប្រជាជនកម្ពុជា អស់ពេលប្រមាណ៨ខែក្រោយពីការបោះឆ្នោតជាតិខែកក្កដាឆ្នាំ២០១៣ កន្លងទៅនោះ, ថ្មីៗនេះបញ្ហាមួយទៀតបានផុសឡើងជុំវិញការលើកឡើងរបស់លោក ជាម យៀប តំណាងរាស្រ្ដគណបក្សប្រជាជនកម្ពុជា និងជាមន្រ្ដីតំណាងគណបក្សប្រជាជននៅក្នុងក្រុមចរចាបច្ចេកទេសជា មួយនឹងគណបក្សសង្រ្គោះជាតិ។ ពីរអាទិត្យមុននេះលោក ជាម យៀប បានលើកឡើងអំពីការចង់កែប្រែច្បាប់សញ្ជាតិកម្ពុជាដើម្បីកុំឲ្យ បេក្ខជនជាប់ឆ្នោតដែលមានសញ្ជាតិពីរឡើងកាន់អំណាចបាន។
ឆ្លើយតបទៅនឹងការចង់ឲ្យមានការកែប្រែច្បាប់សញ្ជាតិកម្ពុជានោះ លោក សម រង្ស៊ី ប្រធានគណបក្សសង្រ្គោះជាតិដែលកំពុងធ្វើទស្សនកិច្ចនៅក្នុងប្រទេសអូស្រ្ដាលីបានមានប្រសាសន៍ឆ្លើយបំភ្លឺជុំវិញរឿងនេះថា លោកមិនខ្លាចនឹងបោះបង់ចោលសញ្ជាតិបរទេសនោះទេ ហើយនឹងគាំទ្រការធ្វើវិសោធនកម្មច្បាប់នោះ។
